مجھ سے پہلی سے محبت مری محبوب نہ مانگ ہم پرورش لوح و قلم کرتے رہیں گے

مجھ سے پہلی سے محبت مری  محبوب نہ مانگ ہم پرورش لوح و قلم کرتے رہیں گے

خاموش ہو کیوں، دادِ جفا کیوں نہیں دیتے

خاموش ہو کیوں، دادِ جفا کیوں نہیں دیتے

بسمل ہو تو قاتل کو دعا کیوں نہیں دیتے

وحشت کا سبب روزنِ زنداں تو نہیں ہے

مہر و مہ و انجم کو بجھا کیوں نہیں دیتے

اک یہ بھی تو اندازِ علاجِ غمِ جاں ہے

اے چارہ گرو، درد بڑھا کیوں نہیں دیتے

منصف ہواگر تم تو کب انصاف کروگے

مجرم ہیں اگر ہم تو سزا کیوں نہیں دیتے

رہزن ہو تو حاضر ہے متاعِ دل و جاں بھی

رہبر ہو تو منزل کا پتہ کیوں نہیں دیتے

کیا بیت گئی اب کے فراز اہلِ چمن پر

یارانِ قفس مجھ کو صدا کیوں نہیں دیتے

(احمد فراز)

اب کے ہم بچھڑے تو شاید کبھی خوابوں میں ملیں

اب کے ہم بچھڑے تو شاید کبھی خوابوں میں ملیں

جس طرح سوکھے ہوئے پھول کتابوں میں ملیں

ڈھونڈ اجڑے ہوئے لوگوں میں وفا کے موتی

یہ خزانے تجھے ممکن ہے خرابوں میں ملیں

غم دنیا بھی غم یار میں شامل کرلو

نشہ بڑھتا ہے شرابیں جو شرابوں میں ملیں

تو خدا ہے نہ میرا عشق فرشتوں جیسا

دونوں انساں ہیں تو کیوں اتنے حجابوں میں ملیں

آج ہم دار پہ کھینچے گئے جن باتوں پر

کیا عجب کل وہ زمانے کو نصابوں میں ملیں

اب نہ وہ ہیں، نہ وہ تو ہے، نہ وہ ماضی ہے فراز

جیسے دو شخص تمنا کے سرابوں میں ملیں

(احمد فراز)

آنکھ سے دور نہ ہو دل سے اتر جائے گا

آنکھ سے دور نہ ہو دل سے اتر جائے گا

وقت کا کیا ہے، گزرتا ہے، گزر جائے گا

اتنا مانوس نہ ہو خلوتِ غم سے اپنی

تو کبھی خود کو بھی دیکھے گا تو ڈر جائے گا

تم سرِ راہِ وفا دیکھتے رہ جاؤگے

اور وہ بامِ رفاقت سے اتر جائے گا

زندگی تیری عطا ہے تو یہ جانے والا

تیری بخشش تری دہلیز پر دھر جائے گا

ڈوبتے ڈوبتے کشتی کو اچھالا دے دوں

میں نہیں، کوئی تو ساحل پہ اتر جائے گا

ضبط لازم ہے مگر دکھ ہے قیامت کا فراز

ظالم اب کے بھی نہ روئے گا تو مرجائے گا

(احمد فراز)

کیا ہے عشق تو شکوہ نہ کر زمانے کا

کیا ہے عشق تو شکوہ نہ کر زمانے کا

بیاں ہوا تو گیا حسن اس فسانے کا

سزا کےطور پر ہم کو ملا قفس جالب

بہت تھا شوق ہمیں آشیاں بنانے کا

(حبیب جالب)

بچھڑا ہے جو اک بار تو ملتے نہیں دیکھا

بچھڑا ہے جو اک بار تو ملتے نہیں دیکھا

اس زخم کو ہم نے کبھی سلتے نہیں دیکھا

اک بار جسے چاٹ گئی دھوپ کی خواہش

پھر شاخ پہ اس پھول کو کھلتے نہیں دیکھا

یک لخت گرا ہے تو جڑیں تک نکل آئیں

جس پیڑ کو آندھی میں بھی ہلتے نہیں دیکھا

کانٹوں میں گھرے پھول کو چوم آئے گی لیکن

تتلی کے پروں کو کبھی چھلتے نہیں دیکھا

کس طرح مری روح ہری کرگیا آخر

وہ زیر جسے جسم میں کھلتے نہیں دیکھا

(پروین شاکر)

قطعات (جون ایلیا)

ہے یہ بازار جھوٹ کا بازار

پھر یہی جنس کیوں نہ تولیں ہم

کرکے اک دوسرے سے عہد وفا

آؤ کچھ دیر جھوٹ بولیں ہم

۔۔۔۔۔۔۔

یہ تیرے خط تیری خوشبو یہ تیرے خواب و خیال

متاع جاں ہیں ترے قول و قسم کی طرح

گزشتہ سال انہیں میں نے گن کے رکھا تھا

کسی غریب کی جوڑی ہوئی رقم کی طرح

(جون ایلیا)

جب بہار آئی تو صحرا کی طرف چل نکلا

جب بہار آئی تو صحرا کی طرف چل نکلا

صحنِ گل چھوڑ گیا، دل مرا پاگل نکلا

جب اُسے ڈھونڈنے نکلے تو نشاں تک نہ ملا

دل میں موجود رہا، آنکھ سے اوجھل نکلا

اک ملاقات تھی جو دل کو سدا یاد رہی

ہم جسے عمر سمجھتے تھے، وہ اک پل نکلا

وہ جو افسانۂ غم سن کے ہنسا کرتے تھے

اتنے روئے ہیں کہ سب آنکھ کا کاجل نکلا

ہم سکون ڈھونڈنے نکلے تھے پریشان رہے

شہر تو شہر ہے، جنگل بھی نہ جنگل نکلا

کون ایوب پریشان نہیں تاریکی میں

چاند افلاک پہ، دل سینے میں بے کل نکلا

(ٓایوب رومانی)

نفرتوں کے تیر کھا کر دوستوں کے شہر میں

نفرتوں کے تیر کھا کر دوستوں کے شہر میں

ہم نے کس کس کو پکارا یہ کہانی پھر سہی

(مسرور انور)

یہ بات یہ تبسم یہ ناز یہ نگاہیں

یہ بات یہ تبسم یہ ناز یہ نگاہیں

آخر تم ہی بتاؤ کیونکر نہ تم کو چاہیں

اب سر اٹھا کے میں نے شکوؤں سے ہاتھ اٹھایا

مرجاؤں گا ستم گر نیچی نہ کر نگاہیں

کچھ گل ہی سے نہیں ہے روح نمو کو رغبت

گردن میں خار کی بھی ڈالے ہوئے ہے بانہیں

اللہ ری دل فریبی جلووں کے بانکپن کی

محفل میں وہ جو آئے کج ہوگئیں کلاہیں

یہ بزم جوش کس کے جلووں کی رہ گزر ہے

ہر ذرے میں ہیں غلطاں اٹھتی ہوئی نگاہیں

(جوش ملیح آبادی)

آج تو بے سبب اداس ہے جی

ناصر کاظمی کے یوم پیدائش پر ان کا ایک خوبصورت شعر

دل دھڑکنے کا سبب یاد آیا ۔۔۔۔۔۔۔۔۔ نیت شوق بھر نہ جائے کہیں

ناصر کاظمی کے یوم پیدائش پر ان کی مشہور غزلیں

میں عرصۂ دراز سے خود میں اسیر ہوں

میں عرصۂ دراز سے خود میں اسیر ہوں

تنہائیوں کی قید سے اب تو رہائی دے

ایسا نہ ہو انا میں گزر جائے زندگی

پھر سے تو میرے ہاتھ میں دستِ حنائی دے

(ارشاد دہلوی)

کچھ ایسا اترا میں اس سنگ دل کے شیشے میں

کچھ ایسا اترا میں اس سنگ دل کے شیشے میں

کہ چند سانس بھی آئے نہ اپنے حصے میں

وہ ایک ایسے سمندر کے روپ میں آیا

کہ عمر کٹ گئی جس کو عبور کرنے میں

مجھے خود اپنی طلب کا نہیں ہے اندازہ

یہ کائنات بھی تھوڑی ہے میرے کاسے میں

ملی تو ہے مری تنہائیوں کو آزادی

جڑی ہوئی ہیں کچھ آنکھیں مگر دریچے میں

غنیم بھی کوئی مجھ کو نظر نہیں آتا

گھرا ہوا بھی ہوں چاروں طرف سے خطرے میں

مرا شعور بھی شاید وہ طفل کمسن ہے

بچھڑ گیا ہے جو گمراہیوں کے میلے میں

ہنر ہے شاعری شطرنج شوق ہے میرا

یہ جائیداد مظفر ملی ہے ورثے میں

(مظفر وارثی)

اے دوست ہم نے ترک محبت کے باوجود

اے دوست ہم نے ترک محبت کے باوجود

محسوس کی ہے تیری ضرورت کبھی کبھی

(ناصر کاظمی)

ٹھانی تھی دل میں اب نہ ملیں گے کسی سے ہم

ٹھانی تھی دل میں اب نہ ملیں گے کسی سے ہم

پر کیا کریں کہ ہوگئے ناچار جی سے ہم

ہنستے جو دیکھتے ہیں کسی کو کسی سے ہم

منہ دیکھ دیکھ روتے ہیں کس بیکسی سے ہم

ہم سے نہ بولو تم اسے کیا کہتے ہیں بھلا

انصاف کیجئے پوچھتے ہیں آپ ہی سے ہم

بے زار جان سے جو نہ ہوتے تو مانگتے

شاہد شکایتوں پہ تری مدعی سے ہم

اس کو میں جا مریں گے مدد اے ہجوم شوق

آج اور زور کرتے ہیں بے طاقتی سے ہم

صاحب نے اس غلام کو آزاد کردیا

لو بندگی کہ چھوٹ گئے بندگی سے ہم

بے روئے مثل ابر نہ نکلا غبار دل

کہتے تھے ان کو برق تبسم ہنسی سے ہم

ان ناتوانیوں پہ بھی تھے خار راہ غیر

کیوں کر نکالے جاتے نہ اس کی گلی سے ہم

کیا گل کھلے گا دیکھئے، ہے فصل گل تو دور

اور سوئے دشت بھاگتے ہیں کچھ ابھی سے ہم

منہ دیکھنے سے پہلے بھی کس دن وہ صاف تھا

بے وجہ کیوں غبار رکھیں آرسی سے ہم

ہے چھیڑ اختلاط بھی غیروں کے سامنے

ہنسنے کے بدلے روئیں نہ کیوں گدگدی سے ہم

وحشت ہے عشق پردہ نشیں میں دم بکا

منہ ڈھانکتے ہیں پردۂ چشم پری سے ہم

کیا دل کو لے گیا کوئی بیگانہ آشنا

کیوں اپنے جی کو لگتے ہیں کچھ اجنبی سے ہم

لے نام آرزو کا تو دل کو نکال لیں

مومن نہ ہوں جو ربط رکھیں بدعتی سے ہم

(مومن خان مومن)

دسمبر اور جدائی

دسمبر اور جدائی کا

بڑا نزدیکی سمبندھ ہے

زرد رات آکے رہتی ہے

محبت جاکے رہتی ہے

اداسی کے سمندر میں

یہ دل ڈوب جاتا ہے

آنسو بہت بہتے ہیں

ہم چپ چاپ رہتے ہیں

چمپا کے دل کے داغوں کو

ہنس کے یہ ہی کہتے ہیں

نیا جو سال آئے گا

بڑی رونق لگائے گا

جو کہ ہو نہیں پاتا ۔۔۔۔۔۔۔۔۔۔

(شگفتہ شفیق)

اب کے ہم بچھڑے تو شاید کبھی خوابوں میں ملیں

اب کے ہم بچھڑے تو شاید کبھی خوابوں میں ملیں

جس طرح سوکھے ہوئے پھول کتابوں میں ملیں

ڈھونڈ اجڑے ہوئے لوگوں میں وفا کے موتی

یہ خزانے تجھے ممکن ہے خرابوں میں ملیں

غم دنیا بھی غم یار میں شامل کرلو

نشہ بڑھتا ہے شرابیں جو شرابوں میں ملیں

تو خدا ہے نہ میرا عشق فرشتوں جیسا

دونوں انساں ہیں تو کیوں اتنے حجابوں میں ملیں

آج ہم دار پر کھینچے گئے جن باتوں پر

کیا عجب کل وہ زمانے کو نصابوں میں ملیں

اب نہ وہ میں، نہ وہ تُو ہے، نہ وہ ماضہ ہے فراز

جیسے دو شخص تمنا کے سرابوں میں ملیں

(احمد فراز)

رلاتی ہے مجھے راتوں کی خاموشی ستاروں کی

رلاتی ہے مجھے راتوں کی خاموشی ستاروں کی

نرالا عشق ہے میرا نرالے میرے لالے ہیں

نہ پوچھو مجھ سے لذتِ خانماں برباد رہنے کی

نشیمن سینکڑوں میں نے بنا کر پھونک ڈالے ہیں

(علامہ اقبال)

دل میں اب یوں ترے بھولے ہوئے غم آتے ہیں

دل میں اب یوں ترے بھولے ہوئے غم آتے ہیں

جیسے بچھڑے ہوئے کعبے میں صنم آتے ہیں

ایک اک کرکے ہوئے جاتے ہیں تارے روشن

میری منزل کی طرف تیرے قدم آتے ہیں

رقص مے تیز کرو ساز کی لے تیز کرو

سوئے مے خانہ سفیرانِ حرم آتے ہیں

کچھ ہمیں کو نہیں احسان اٹھانے کا دماغ

وہ تو جب آتے ہیں مائل بہ کرم آتے ہیں

اور کچھ دیر نہ گزرے شبِ فرقت سے کہو

دل بھی کم دکھتا ہے وہ یاد بھی کم آتے ہیں

(فیض احمد فیض)