آج تو بے سبب اداس ہے جی

ناصر کاظمی کے یوم پیدائش پر ان کا ایک خوبصورت شعر

اے دوست ہم نے ترک محبت کے باوجود

اے دوست ہم نے ترک محبت کے باوجود

محسوس کی ہے تیری ضرورت کبھی کبھی

(ناصر کاظمی)

دو قدم اور مرے ساتھ چلو

اس سے پہلے کہ بچھڑ جائیں ہم

دو قدم اور مرے ساتھ چلو

(ناصر کاظمی)

کچھ دوستوں نے ہاتھ میں پتھر اٹھا لئے

آیا ہی تھا ابھی میرے لب پر وفا کا نام

کچھ دوستوں نے ہاتھ میں پتھر اٹھا لئے

(ناصر کاظمی)

امیدِ پرسشِ غم کس سے کیجئے ناصر

امیدِ پرسشِ غم کس سے کیجئے ناصر

جو اپنے دل پہ گزرتی ہے کوئی کیا جانے

(ناصر کاظمی)

دیارِ دل کی رات میں چراغ سا جلا گیا

دیارِ دل کی رات میں چراغ سا جلا گیا

ملا نہیں تو کیا ہوا وہ شکل تو دکھا گیا

وہ دوستی تو خیر اب نصیبِ دشمناں ہوئی

وہ جھوٹی جھوٹی رنجشوں کا لطف بھی چلا گیا

جدائیوں کے زخم دردِ زندگی نے بھر دیئے

تجھے بھی نیند آگئی مجھے بھی صبر آگیا

پکارتی ہیں فرصتیں کہاں گئیں وہ صحبتیں

زمیں نگل گئی ہیں انہیں کہ آسماں کھا گیا

یہ صبح کی سفیدیاں یہ دوپہر کی زردیاں

اب آئینے میں دیکھتا ہوں میں کہاں چلا گیا

یہ کس خوشی کی ریت پر غموں کو نیند آگئی

وہ لہر کس طرف گئی یہ میں کہاں سما گیا

گئے دنوں کی لاش پر پڑے رہوگے کب تلک

الم کشو اٹھو کہ آفتاب سر پہ آگیا

(ناصر کاظمی)

اب کے سال پونم میں

اب کے سال پونم میں جب تو آئے گی ملنے، ہم نے سوچ رکھا ہے رات یوں گزاریں گے

دھڑکنیں بچھادیں گے شوخ تیرے قدموں پہ، ہم نگاہوں سے تیری آرتی اتاریں گے

تو کہ آج قاتل ہے، پھر بھی راحتِ دل ہے، زہر کی ندی ہے تو، پھر بھی قیمتی ہے تو

پست حوصلے والے تیرا ساتھ کیا دیں گے، زندگی ادھر آجا ہم تجھے گزاریں گے

آہنی کلیجے کو زخم کی ضرورت ہے، انگلیوں سے جو ٹپکے اس لہو کی حاجت ہے

آپ زلف جاناں کے خم سنواریئے صاحب، زندگی کی زلفوں کو آپ کیا سنواریں گے

ہم تو وقت ہیں، پل ہیں، تیزگام گھڑیاں ہیں، بے قرار لمحے ہیں، بے تکان صدیاں ہیں

کوئی ساتھ میں اپنے آئے یا نہیں آئے، جو ملے گا رستے میں، ہم اسے پکاریں گے

(ناصر کاظمی)

تیری زلفوں کے بکھرنے کا سبب ہے کوئی

تیری زلفوں کے بکھرنے کا سبب ہے کوئی

آنکھ کہتی ہے ترے دل میں طلب ہے کوئی

آنچ آتی ہے ترے جسم کی عریانی سے

پیرہن ہے کہ سلگتی ہوئی شب ہے کوئی

ہوش اڑانے لگیں پھر چاند کی ٹھنڈی کرنیں

تیری ہستی میں ہوں یا خوابِ طرب ہے کوئی

گیت بنتی ہے ترے شہر کی بھرپور ہوا

اجنبی میں ہی نہیں تو بھی عجب ہے کوئی

لیے جاتی ہیں کسی دھیان کی لہریں ناصر

دور تک سلسلۂ تاکِ طرب ہے کوئی

(ناصر کاظمی)

naye kapray badal kar jaoon kahan

نئے کپڑے بدل کر جاؤں کہاں اور بال بناؤں کس کے لئے

وہ شخص تو شہر ہی چھوڑ گیا میں باہر جاؤں کس کے لئے

جس دھوپ کی دل میں ٹھنڈک تھی وہ دھوپ اسی کے ساتھ گئی

ان جلتی ہلتی گلیوں میں اب خاک اڑاؤں کس کے لئے

وہ شہر میں تھا تو اس کے لئے اوروں سے بھی ملنا پڑتا تھا

اب ایسے ویسے لوگوں کے میں ناز اٹھاؤں کس کے لئے

اب شہر میں اس کا بدل ہی نہیں کوئی ویسا جان غزل ہی نہیں

ایوان غزل میں لفظوں کے گلدان سجاؤں کس کے لئے

مدت سے کوئی آیا نہ گیا سنسان پڑی ہے گھر کی فضا

ان خالی کمروں میں ناصر اب شمع جلاؤں کس کے لئے

(ناصر کاظمی)

aaya hi tha abhi meray lab per wafa ka naam

آیا ہی تھا ابھی میرے لب پر وفا کا نامکچھ دوستوں نے ہاتھ میں پتھر اٹھالیئے(ناصر کاظمی)

مزید اشعار دیکھیئے

aye dost hum nay tark-e-muhabbat kay bawajood

ناصر کاظمی کی خوبصورت غزل urdu poetry