مجھ سے پہلی سے محبت مری محبوب نہ مانگ ہم پرورش لوح و قلم کرتے رہیں گے

مجھ سے پہلی سے محبت مری  محبوب نہ مانگ ہم پرورش لوح و قلم کرتے رہیں گے

دل میں اب یوں ترے بھولے ہوئے غم آتے ہیں

دل میں اب یوں ترے بھولے ہوئے غم آتے ہیں

جیسے بچھڑے ہوئے کعبے میں صنم آتے ہیں

ایک اک کرکے ہوئے جاتے ہیں تارے روشن

میری منزل کی طرف تیرے قدم آتے ہیں

رقص مے تیز کرو ساز کی لے تیز کرو

سوئے مے خانہ سفیرانِ حرم آتے ہیں

کچھ ہمیں کو نہیں احسان اٹھانے کا دماغ

وہ تو جب آتے ہیں مائل بہ کرم آتے ہیں

اور کچھ دیر نہ گزرے شبِ فرقت سے کہو

دل بھی کم دکھتا ہے وہ یاد بھی کم آتے ہیں

(فیض احمد فیض)

دل ناامید تو نہیں، ناکام ہی تو ہے

دل ناامید تو نہیں، ناکام ہی تو ہے

لمبی ہے غم کی شام مگر شام ہی تو ہے

(فیض احمد فیض)

سکوں ایسا کہ مرجانے کو جی چاہتا ہے

ضبط کا عہد بھی ہے شوق کا پیمان بھی ہے

عہد و پیماں سے گزر جانے کو جی چاہتا ہے

درد اتنا ہے کہ ہر رگ میں ہے محشر برپا

اور سکوں ایسا کہ مرجانے کو جی چاہتا ہے

(فیض احمد فیض)

gham-e-ishq kitna ajeeb hay

غم عشق کتنا عجیب ہے

یہ جنون سے کتنا قریب ہے

کبھی اشک پلکوں پہ رک گئے

کبھی پورا دریا بہا دیا

(فیض احمد فیض)

نہ یہ غم نیا، نہ ستم نیا، کہ تری جفا کا گلہ کریں

نہ یہ غم نیا، نہ ستم نیا، کہ تری جفا کا گلہ کریں

یہ نظر تھی پہلے بھی مضطرب، یہ کسک تو دل میں کبھو کی ہے

(فیض احمد فیض)

گلوں میں رنگ بھرے، بادِ نو بہار چلے

گلوں میں رنگ بھرے، بادِ نو بہار چلے

چلے بھی آؤ کہ گلشن کا کاروبار چلے

قفس اداس ہے یارو، صبا سے کچھ تو کہو

کہیں تو بہرِ خدا آج ذکرِ یار چلے

کبھی تو صبح ترے کنجِ لب سے ہو آغاز

کبھی تو شب سرِ کاکل سے مشکبار چلے

بڑا ہے درد کا رشتہ یہ دل غریب سہی

تمہارے نام پہ آئیں گے غمگسار چلے

جو ہم پہ گزری سو گزری مگر شبِ ہجراں

ہمارے اشک تری عاقبت سنوار چلے

مقام فیض کوئی راہ میں جچا ہی نہیں

جو کوئے یار سے نکلے تو سوئے دار چلے

(فیض احمد فیض)

جو رکے تو کوہِ گراں تھے ہم، جو چلے تو جاں سے گزر گئے

نہ گنواؤ ناوکِ نیم کش، دلِ ریزہ ریزہ گنوادیا

جو بچے ہیں سنگ سمیٹ لو، تنِ داغ داغ لٹادیا

مرے چارہ گر کو نوید ہو، صفِ دشمناں کو خبر کرو

وہ جو قرض رکھتے تھے جان پر، وہ حساب آج چکادیا

کرو کج جبیں پہ سرِ کفن، مرے قاتلوں کو گماں نہ ہو

کہ غرورِ عشق کا بانکپن، پسِ مرگ ہم نے بھلادیا

اُدھر ایک حرف کے کشتنی، یہاں لاکھ عذر تھا گفتنی

جو کہا تو ہنس کے اڑادیا، جو لکھا تو پڑھ کے مٹادیا

جو رکے تو کوہِ گراں تھے ہم، جو چلے تو جاں سے گزر گئے

رہِ یار ہم نے قدم قدم تجھے یادگار بنادیا

(فیض احمد فیض)

کب ٹھہرے گا درد

کب ٹھہرے گا درد اے دل، کب رات بسر ہوگی

سنتے تھے وہ آئیں گے، سنتے تھے سحر ہوگی

(فیض احمد فیض)

سبھی کچھ ہے تیرا دیا ہوا

سبھی کچھ ہے تیرا دیا ہوا، سبھی راحتیں، سبھی کلفتیں

کبھی صحبتیں، کبھی فرقتیں، کبھی دوریاں، کبھی قربتیں

یہ سخن جو ہم نے رقم کئے، یہ ہیں سب ورق تری یاد کے

کوئی لمحہ صبحِ وصال کا، کئی شام ہجر کی مدتیں

جو تمہاری مان لیں ناصحا، تو رہے گا دامنِ دل میں کیا

نہ کسی عدو کی عداوتیں، نہ کسی صنم کی مروتیں

چلو آؤ تم کو دکھائیں ہم، جو بچا ہے مقتلِ شہر میں

یہ مزار اہلِ صفا کے ہیں، یہ ہیں اہلِ صدق کی تربتیں

مری جان آج کا غم نہ کر، کہ نہ جانے کاتبِ وقت نے

کسی اپنے کل میں بھی بھول کر، کہیں لکھ رکھی ہوں مسرتیں

(فیض احمد فیض)

اٹھ کر تو آگئے ہیں تیری بزم سے مگر

سب قتل ہوکے تیرے مقابل سے آئے ہیں

ہم لوگ سرخرو ہیں کہ منزل سے آئے ہیں

شمعِ نظر، خیال کے انجم، جگر کے داغ

جتنے چراغ ہیں، تری محفل سے آئے ہیں

اٹھ کر تو آگئے ہیں تیری بزم سے مگر

کچھ دل ہی جانتا ہے کہ کس دل سے آئے ہیں

ہر اک قدم اجل تھا، ہر اک گام زندگی

ہم گھوم پھر کے کوچۂ قاتل سے آئے ہیں

بادِ خزاں کا شکر کرو، فیض جس کے ہاتھ

نامے کسی بہار شمائل سے آئے ہیں

(فیض احمد فیض)

dasht-e-tanhai main aye jan-e-jahan larzan hain

دشتِ تنہائی میں، اے جانِ جہاں لرزاں ہیں

تیری آواز کے سائے تیرے ہونٹوں کے سراب

دشتِ تنہائی میں، دوری کے خس و خاک تلے

کِھل رہے ہیں، تیرے پہلو کے سمن اور گلاب

اٹھ رہی ہے کہیں قرب سے تیری سانس کی آنچ

اپنی خوشبو میں سلگتی ہوئی مدھم مدھم

دور افق پار، چمکتی ہوئی قطرہ قطرہ

گررہی ہے تیری دلدار نظر کی شبنم

اس قدر پیار سے، اسے جان جہاں، رکھا ہے

دل کے رخسار پہ اس وقت تیری یاد نے ہاتھ

یوں گماں ہوتا ہے، گرچہ ہے ابھی صبح فراق

ڈھل گیا ہجر کا دن، آ بھی گئی وصل کی رات

(فیض احمد فیض)

http://www.urduinc.com/urdu-poetry