iqtibas, urdu iqtibas, umaira ahmed, nimra ahmed, aleem ul haq haqi, ashfaq ahmed iqtibas, bano qudsia iqtibas, mumtaz mufti iqtibas, ibn-e-insha iqtibas, younus butt iqtibas,

جنت کے پتے سے اقتباس

لڑکیاں سمندر کی ریت کی مانند ہوتی ہیں حیا! عیاں پڑی ریت، اگر ساحل پہ ہو تو قدموں تلے روندی جاتی ہے اور اگر سمندر کی تہ میں ہو تو کیچڑ بن جاتی ہے۔ لیکن اسی ریت کا وہ ذرہ جو خود کو ایک مضبوط سیپ میں ڈھک لے، وہ موتی بن جاتا ہے۔ جوہری اس ایک موتی کے لئے کتنے ہی سیپ چنتا ہے اور پھر اس موتی کو مخملیں ڈبوں میں بند کرکے محفوظ تجوریوں میں رکھ دیتا ہے۔ دنیا کا کوئی بھی جوہری اپنی دکان کے شوکیس میں اصلی جیولری نہیں رکھتا۔ مگر ریت کے ذرے کے لئے موتی بننا آسان نہیں ہوتا، وہ ڈوبے بغیر سیپ کو کبھی نہیں پاسکتا۔

(نمرہ احمد کے ناول ’’جنت کے پتے‘‘ سے اقتباس)

مصحف سے اقتباس

جب تمہیں تکلیف ہو اور دل افسردہ ہو تو دل میں رولو مگر زبان سے وہی کہو جو اللہ تمہارے منہ سے سننا چاہتا ہے۔

(نمرہ احمد کے ناول ’’مصحف‘‘ سے اقتباس)

اقتباس

ہمارے مسئلے اور ہماری پریشانیاں بھی راز ہی ہوتی ہیں

ہمارے مسئلے اور ہماری پریشانیاں بھی راز ہی ہوتی ہیں۔ ان کا دوسروں کے سامنے اشتہار نہیں لگاتے بیٹا، جو انسان اپنے آنسو دوسروں سے صاف کرواتا ہے وہ خود کو بے عزت کردیتا ہے اور جو اپنے آنسو خود پونچھتا ہے وہ پہلے سے بھی مضبوط بن جاتا ہے۔

(نمرہ احمد کے ناول ’’جنت کے پتے‘‘ سے اقتباس)

ٹھوکر کھائے بغیر

انسان ٹھوکر کھائے بغیر، زخم کھائے بغیر، خود کو جلائے بغیر بات کیوں نہیں مانتا۔ پہلی دفعہ میں ہاں کیوں نہیں کہتا؟ پہلے حکم پر سر کیوں نہیں جھکاتا؟ ہم سب کو آخر منہ کے بل گرنے کا انتظار کیوں ہوتا ہے اور گرنے کے بعد ہی بات کیوں سمجھ میں آتی ہے؟

(نمرہ احمد کے ناول ’’جنت کے پتے‘‘ سے اقتباس)