یادیں

کبھی یادیں بھی ملتی ہیں؟ یادیں تو پتھر کی لکیروں کی مانند ہوتی ہیں جنہیں نہ تو کوئی کھرچ سکتا ہے، نہ مٹا سکتا ہے۔ یہ رہتی ہیں اور ہمیشہ کے لئے رہتی ہیں۔ یہ ٹھیک ہے کہ وقت اور حالات کے تقاضے انسان کو ان سے منہ موڑنے پر مجبور کردیتے ہیں لیکن ان کے ہونے سے انکار تو نہیں ہوسکتا۔ جب بھی ان کی طرف پلٹو، یہ تازہ ہوجاتی ہیں۔

(رضیہ بٹ کے ناول ’’معاملے دل کے‘‘ سے اقتباس)

ہمارے مسئلے اور ہماری پریشانیاں بھی راز ہی ہوتی ہیں

ہمارے مسئلے اور ہماری پریشانیاں بھی راز ہی ہوتی ہیں۔ ان کا دوسروں کے سامنے اشتہار نہیں لگاتے بیٹا، جو انسان اپنے آنسو دوسروں سے صاف کرواتا ہے وہ خود کو بے عزت کردیتا ہے اور جو اپنے آنسو خود پونچھتا ہے وہ پہلے سے بھی مضبوط بن جاتا ہے۔

(نمرہ احمد کے ناول ’’جنت کے پتے‘‘ سے اقتباس)