وہ جو پاس آکے یونہی چپ سا کھڑا رہتا تھا

وہ جو پاس آکے یونہی چپ سا کھڑا رہتا تھا

اُس کی تو خُو تھی یہی، تم ہی بلاتے اُس کو

(منیر نیازی)

یہ کیسا نشہ ہے، میں کس عجب خمار میں ہوں

یہ کیسا نشہ ہے، میں کس عجب خمار میں ہوں

تو آکے جا بھی چکا ہے، میں انتظار میں ہوں

(منیر نیازی)

کھِلتا تھا کبھی جس میں تمنا کا شگوفہ

کھِلتا تھا کبھی جس میں تمنا کا شگوفہ

کھڑکی وہ بڑی دیر سے ویران پڑی ہے

(منیر نیازی)

میں ہوں بھی، اور نہیں بھی، عجیب بات ہے

میں ہوں بھی، اور نہیں بھی، عجیب بات ہے

یہ کیسا جبر ہے، میں کس کے اختیار میں ہوں؟

(منیر نیازی)

میری ساری زندگی کو بے ثمر اس نے کیا

میری ساری زندگی کو بے ثمر اس نے کیا

عمر میری تھی مگر اس کو بسر اس نے کیا

میں بہت کمزور تھا اس ملک میں ہجرت کے بعد

پر مجھے اس ملک میں کمزور تر اس نے کیا

راہبر میرا بنا گمراہ کرنے کے لئے

مجھ کو سیدھے راستے سے دربدر اس نے کیا

شہر میں وہ معتبر میری گواہی سے ہوا

پھر مجھے اس شہر میں نامعتبر اس نے کیا

شہر کو برباد کرکے رکھ دیا اس نے منیر

شہر پر یہ ظلم میرے نام پر اس نے کیا

(منیر نیازی)