دل گیا تھا تو یہ آنکھیں بھی کوئی لے جاتا

دل گیا تھا تو یہ آنکھیں بھی کوئی لے جاتا

میں فقط ایک ہی تصویر کہاں تک دیکھوں

اک حقیقت سہی فردوس میں حوروں کا وجود

حسنِ انساں سے نمٹ لوں تو وہاں تک دیکھوں

(احمد ندیم قاسمی)

جب ترا حکم ملا ترکِ محبت کردی

جب ترا حکم ملا ترکِ محبت کردی

دل مگر اس پہ دھڑکا کہ قیامت کردی

تجھ سے کس طرح میں اظہار محبت کرتا

لفظ سوجھا تو معانی نے بغاوت کردی

(احمد ندیم قاسمی)

خدا کرے میری ارض پاک پر اترے

خدا کرے میری ارض پاک پر اترے

وہ فصل گل جسے اندیشۂ زوال نہ ہو

یہاں جو پھول کھلے وہ کھلا رہے برسوں

یہاں خزاں کو گزرنے کی بھی مجال نہ ہو

یہاں جو سبزہ اگے وہ ہمیشہ سبز رہے

اور ایسا سبز کہ جس کی کوئی مثال نہ ہو

گھنی گھٹائیں یہاں ایسی بارشیں برسائیں

کہ پتھروں کو بھی روئیدگی محال نہ ہو

خدا کرے نہ کبھی خم سرِ وقارِ وطن

اور اس کے حسن کو تشویش ماہ و سال نہ ہو

ہر ایک خود ہو تہذیب و فن کا اوجِ کمال

کوئی ملول نہ ہو کوئی خستہ حال نہ ہو

خدا کرے کہ میرے اک بھی ہم وطن کے لئے

حیات جرم نہ ہو زندگی وبال نہ ہو

(احمد ندیم قاسمی)

urdu poetry

احمد ندیم قاسمی

http://www.urduinc.com/urdu-poetry